संतसूर्य

जम्मू आणि काश्मिर ,पंजाब येथे  मंगळवेढा चे पै.महेंद्र गायकवाड विजयी

 *संतसूर्य प्रतिनिधी : शिरसी*

   १६ जून रोजी जम्मू आणि काश्मीरमधील महानपूर जिल्हा कुठुआ येथे कुस्ती दंगलचे आयोजन करण्यात आले होते.या कुस्ती दंगलमध्ये प्रथम क्रमांकाची कुस्ती जम्मू आणि काश्मीरचा पैलवान बिनिया विरुद्ध महाराष्ट्रातील शिरसी ता.मंगळवेढा येथील आंतरराष्ट्रीय किर्तीचा उपमहाराष्ट्र केसरी पै.महेंद्र गायकवाड अशी लढत होती. ही लढत ५ मिनिटे चालली. शेवटी पोकळ घिस्सा या डावावर महेंद्र गायकवाड विजयी झाला.या कुस्ती दंगलचे आयोजक आपल्या भाषणात म्हणाले की, महेंद्र गायकवाड गायकवाड यांच्या बरोबर कुस्ती खेळण्यास ५० पहिलवानांनी नकार दिला.यातूनच पै. महेंद्र गायकवाड हिंदुस्तानमधील टॉपचा पैलवान आहे हे सिद्ध होते.

     तसेच१५ जून रोजी पंजाबमधील जालंधर जिल्ह्यातील मुरादपूर येथे कुस्ती दंगल आयोजित केली होती. या दंगलीत प्रथम क्रमांकाची कुस्ती पै.भूपेंद्र अजनाळा विरुद्ध पै.महेंद्र गायकवाड अशी होती. या कुस्तीत पै.महेंद्र गायकवाड याने लपेट डावावर विजय मिळवला.महेंद्र गायकवाड यांनी महाराष्ट्र बरोबरच उत्तर भारतातही आपला दबदबा कायम राखला आहे.महेंद्र गायकवाड यांनी मिळवलेल्या या यशाचे कौतुक सर्व कुस्ती शौकीन व शिरसी ग्रामस्थांकडून केले जात आहे.