संतसूर्य

सोलापूर ग्रामीण जिल्हा काँग्रेस कमिटीच्या कार्याध्यक्षपदी नंदकुमार पवार यांची निवड

 

मंगळवेढा/विक्रांत पंडित

माजी केंद्रीय गृहमंत्री श्री. सुशीलकुमार शिंदे साहेब व आ.प्रणितीताई शिंदे यांच्या शिफारशीनुसार, महाराष्ट्राचे प्रभारी मा.श्री.रमेश चेन्नीथला यांच्या मान्यतेने व महाराष्ट्र प्रदेश काँग्रेस कमिटीचे अध्यक्ष मा.श्री.नानाभाऊ पटोले साहेब यांच्या निर्देशानुसार सोलापूर जिल्हा काँग्रेस कमिटीच्या कार्याध्यक्षपदी नंदकुमार भागवत पवार यांची निवड करण्यात आली आहे.

श्री नंदकुमार पवार हे सलग २५ वर्ष मंगळवेढा तालुका पंचायत समितीचे सदस्य होते. ३ वेळा पंचायत समितीचे उपसभापती,२ वेळा मंगळवेढा पंचायत समितीचे सभापती म्हणून त्यांनी काम पाहिले आहे.तसेच ते संत दामाजी सहकारी साखर कारखान्याचे चेअरमन सुध्दा होते. काँग्रेस पक्ष संघटनेत त्यांनी सोलापूर जिल्हा काँग्रेस कमिटीचे सरचिटणीस, खजिनदार म्हणूनही काम केलेले आहे.तसेच मंगळवेढा तालुका काँग्रेस कमिटीचे अध्यक्ष म्हणूनही त्यांनी काम केले आहे. त्यांना काँग्रेस पक्ष संघटनेतील कामाचा दांडगा अनुभव आहे.त्यांच्या निवडी बद्दल अनेक नेत्यांनी त्यांचे अभिनंदन केले आहे.